स्थानीय तह निर्वाचन : चितवन र बुटवलमा एमालेकाे चुनावी सभा, ओलीले सम्बोधन गर्ने

काठमाडाैं । स्थानीय चुनावलाई लक्षित गरेर नेकपा एमालले चितवन र बुटवलमा चुनावी सभा गर्दैछ । आसन्न वैशाख ३० गते हुने स्थानीय तह निर्वाचनलाई लक्षित सभालाई नेकपा एमालेका अध्यक्ष केपी शर्मा ओलीले सम्बोधन गर्ने छन् ।

चितवनमा नेकपा एमालेको तर्फबाट भरतपुर महानगरपालिकाको लागि विजय सुवेदीले प्रमुखमा उम्मेद्वारी दिएका छन् । महानगरपालिकामा गठबन्धनको तर्फबाट नेकपा (माओवादी केन्द्र) की नेतृ रेणु दाहाल र स्वतन्त्र उम्मेद्वारी दिएका नेपाली कांग्रेसका नेता जगन्नाथ पौडेलबीचको प्रतिष्पर्धालाई महत्वपूर्ण रुपमा हेरिएको छ ।

त्यस्तै बुटवलमा हुने चुनावी सभालाई भने अध्यक्ष ओलीसँगै उपाध्यक्ष विष्णु पौडेल, सचिव छविलाल विश्वकर्मा लगायतका नेताले सम्बोधन गर्नेछन् ।