थपिए १७ संक्रमित, २१ जना डिस्चार्ज

काठमाडौं । नेपालमा गत चौबीस घण्टामा थप १७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट २ हजार ९०५ जनाको पीसीआर विधिबाट परीक्षण गर्दा १७ जनामा संक्रमण पुष्टि भएको हो । १ हजार १०५ जनाको एन्टीजेन विधिबाट परीक्षण गर्दा कसैमा पनि संक्रमण देखिएको छैन् । नेपालमा हाल २०१ जना सक्रिय संक्रमित रहेका छन् ।

त्यस्तै, गत चौबीस घण्टामा थप २१ जना कोरोना संक्रमण निको भइ डिस्चार्ज भएका छन् । योसँगै नेपालमा कोरोना संक्रमण मुक्त भइ डिस्चार्ज हुनेको कुल संख्या ९ लाख ६६ हजार ७८९ पुगेको छ । संक्रमण मुक्त हुनेदर ९८ दशमलव ८ प्रतिशत रहेको छ । गत चौबीस घण्टामा देशभरबाट थप २२ हजार १०६ जनाले कोरोनाविरुद्धको खोप लगाएका छन् ।