रोल्पामा माओवादी र कांग्रेस कार्यकर्ताबीच झडप

काठमाडाैं । रोल्पाको गङ्गादेव गाउँपालिका–५ मा नेकपा माओवादी केन्द्र र नेपाली कांग्रेसका कार्यकर्ताबीच सोमबार राति झडप भएको राष्ट्रिय समाचार समितिले जनाएको छ ।

झडपमा परि कांग्रेसका दुई कार्यकर्ता घाइते भएका छन् । माओवादी कार्यकर्ताले कांग्रेसका कार्यकर्तामाथि खुकुरी प्रहार गरेको आरोप स्थानीय कांग्रेस नेताले लगाएका छन् ।

घाइतेमध्ये एक जनाको अवस्था गम्भीर भएको बताइएको छ । राससका अनुसार उनलाई उपचारका लागि बाँकेको कोहलपुर मेडिकल कलेज लगिएको छ ।

घटनापछि प्रहरी नायब उपरीक्षक विनोद घिमिरे नेतृत्वको टोली घटनास्थल पुगेका छन् । बीबीसी