‘मेराे जित पक्का छ, नयाँ जोशका साथ मेयरको जिम्मेवारी लिन आतुर छु’ (भिडियोसहित)

काठमाडाैं । काठमाडौं महानगरपालिकाका मेयरका उम्मेद्वार केशव स्थापितले बागबजार स्थित पद्यकन्या क्याम्पसमा रहेको मतदान स्थलबाट मतदान गरेका छन् । उनले आज बिहान ७ः१५ बजे बागबजार स्थित पद्यकन्या क्याम्पसमा रहेको मतदान स्थलबाट मतदान गरेका हन् ।

मतदानपछि सञ्चारकर्मीहरुसँग बोल्दै उनले आफ्नो जित पक्का भइसकेको र नयाँ जोशका साथ मेयरको जिम्मेवारी लिन आतुर रहेको बताए । उनले आफूमाथि नयाँ जिम्मेवारी आउन लागेको दाबी गर्दै आफू जिम्मेवारी लिन गम्भीर रहेको बताए ।

मेयरका उम्मेद्वार स्थापितले भने, ‘मतमलाई नयाँ जिम्मेवारी आउँदैछ । म गम्भीर छु, बेलुकाबाट गणना सुरू हुन्छ ।’

स्थापित नेकपा एमालेबाट काठमाडौं महानगरपालिकाको मेयरमा उम्मेद्वार छन् । आज देशभर एकसाथ स्थानीय तह सदस्य निर्वाचन २०७९ भइरहेको छ । आज बिहान ७ बजेबाट देशभर एकसाथ स्थानीय तहको निर्वाचन भइरहेको छ ।