हेटौंडा उपमहानगरपालिकाको मतगणना सुरु

काठमाडाैं । हेटौंडा उपमहानगरपालिकाको मतगणना स्थानीय सिद्धार्थ माध्यमिक विद्यालयको भवनमा आज बिहान ७ बजेदेखि सुरु भएको छ । बिहान ११ः बजे सम्म २०० मत गन्दा नेकपा एमालेका प्रमुख पदका उम्मेदवार अनन्त पौडेलले ७१, गठबन्धनका नेकपा एकीकृत समाजवादीका मीना लामाले ६५ र राप्रपाका दीपकबहादुर सिंहले ४२ मत प्राप्त गरेका छन्, भने उपप्रमुखमा नेपाली कांग्रेसका राजेश बानियाँले ८८, एमालेका सुमित्रा काफ्लेले ८२, राप्रपाकै इन्दिरा न्यौपानेले १२ मत प्राप्त गरे ।

प्रमुख निर्वाचन अधिकृत डिल्लीरत्न श्रेष्ठले हेटौंडा उपमहानगरपालिकामा करिब ६६५ मतदान भएको र मकवानपुर जिल्लामा करिब ७१५ मतदान भएको बताए । उनले मतगणनास्थलमा सुरक्षाको राम्रो प्रबन्ध गरिएको र आवश्यक कर्मचारी खटाइ सकभर तीन चार दिनमै मतगणना सम्पन्न गरिने जानकारी दिए ।-रासस