भरतपुरमा रेनु दाहालको अग्रता कायम

चितवन । भरतपुर महानगरपालिकाको मेयरमा गठबन्धन तर्फकी उम्मेदवार रेनु दाहालको अग्रता कायमै छ। वडा नम्बर १ मा ७ सय मत गणना गर्दा एमालेबाट मेयरका उम्मेदवार विजय सुवेदीले २५८ मत प्राप्त गर्दा दाहालले २७८ मत ल्याउँदै अग्रस्थानमा छन्। स्वतन्त्र उम्मेदवार जगन्नाथ पौडेल ९४ मतसहित पछाडी परेका छन्।

उपमेयरमा कांग्रेसकी चित्रसेन अधिकारीले ३१७, राष्ट्रिय प्रजातन्त्र पार्टी (राप्रपा)की हिमला गुरुङले १९९ मत ल्याएकी छन्। वडाध्यक्षमा एमालेका शुक्र श्रेष्ठले २६४ मत प्राप्त गर्दा कांग्रेसका केशव महर्जनले ३११ मत ल्याएका छन्। मत गणना जारी छ ।