आठबिसकोटमा माओवादी बिजयी

रुकुम पश्चिम। रुकुम पश्चिमको आठबिसकोट नगरपालिकाको मेयरमा माओवादी केन्द्रका रवि केसी र उपमेयरमा धनकुमारी शाही विजयी भएका छन् । केसीले ७ हजार ३ सय ९९ मत पाएर बिजयी भएका हुन् । उनका निकतम प्रतिद्वन्द्वी नेपाली कांग्रेसका धिरेन्द्र बटालाले ६ हजार ६ सय १५ मत पाएको निर्वाचत अधिकृतको कार्यालयले जनाएको छ ।

त्यसैगरी उपमेयरमा विजयी भएकी शाहीले ७ हजार २ सय ६५ मत पाउँदा उनका निकतम प्रतिद्वन्द्वी एमालेका दिनेश चन्दले ६ हजार २ सय ६८ मत पाएका छ्न । आठबिसकोटमा समाजवादी नेपाली कांग्रेस र एमाले बीच गठबन्धन भएको थियो गठबन्धनका उम्मेदवारलाई ७८४ मतान्तरले पछी पार्दै मेयर र ९९७ ले पछि पार्दै उपमेयरमा माओवादी केन्द्रका उम्मेदवार बिजयी भएका छन् । २०७४ सालको स्थानीय तहको निर्वाचनमा पनि माओवादी केन्द्र बिजयी भएको थियो।