अमेरिका पुर्‍याइएका पाँच मूर्ति नेपाल फिर्ता

काठमाडौ. । अमेरिकाको विभिन्न ठाउँमा लगिएका नेपालका ऐतिहासिक, सांस्कृतिक एवं धार्मिक महत्वका पाँच प्राचीन मूर्ति फिर्ता भएका छन् । नेपाल फर्काइएका ती मूर्तिलाई पुरातत्व विभागले सार्वजनिक पनि गरिसकेको छ ।

फिर्ता भएका मूर्तिमा प्रस्तरको चतुर्मुखी शिवलिंग, उमामहेश्वरको मूर्ति, नागराजको मूर्ति, पद्मपाणि लोकेश्वर (बोधिसत्व अवलोकितेश्वर मूर्ति) र प्रस्तरकै शाक्यमुनिको मूर्ति रहेको जनाइएको छ ।

अमेरिकी मिसन उपप्रमुख म्यानुएल मिकल्लेरले अमेरिकाबाट फिर्ता ल्याइएका मूर्ति पुरातत्व विभागलाई हस्तान्तरण गरेका छन् । मिकल्लेरले संस्कृति, पर्यटन, तथा नागरिक उड्डयन मन्त्री प्रेमबहादुर आलेको उपस्थितिमा मूर्ति हस्तान्तरण गरेका हुन् ।