नेपाली फुटबल टोली आज कतार जाँदै

काठमाडौं । नेपाली राष्ट्रिय फुटबल टोली आज (बुधबार) कतार जाने भएको छ । एएफसी एसियन कप छनोट खेल्ने नेपाली खेलाडी टोली कतारतर्फ जान लागेको हो । नेपाली खेलाडीले कुवेतमा हुने छनोट अघि तयारीका लागि खेल खेल्नेछन् ।

टोली आज बेलुका ६ बजे कतार जाने तयारीमा छ । कतारबाट जुन ४ तारिख कुवेत प्रस्थान गर्ने कार्यसूची छ । नेपाल रहेको समूहमा कुवेत, इन्डोनेसिया र जोर्डन छन् भने नेपाल समूह ‘ए’ मा रहेको छ ।