बालेनले ल्याए ६१ हजार ३९० मत, अब ७ सय मात्र गन्न बाँकी

काठमाडौं । काठमाडाैं महानगरपालिकाको मतपरिणाम सकिँनै लाग्दा बालेन्द्र शाह (बालेन)ले अग्रता अझ बढाउँदै लगेका छन् । पछिल्लो मतगणनाअनुसार स्वतन्त्र उम्मेद्वार बालेनले ६१ हजार ३९० मत ल्याएर जित सुनिश्चित गरेका छन् ।

नेकपा एमालेका केशव स्थापित र नेपाली कांग्रेसकी सिर्जना सिंहले सुरुवातदेखि नै मतान्तर बढाउँदै लगेका बालेनलाई पछ्याउँदै छन् ।

केशव र सिर्जना दोस्रो हुनेमै संघर्षरत छन् । पछिल्लो मत परिणामअनुसार नेपाली कांग्रेसकी सिर्जनाले ३८ हजार १८७ मत ल्याउँदै दोस्रो स्थानमा छिन् । नेकपा एमालेका केेशव ३७ हजार ९४४ मतका साथ तेस्रो स्थानमा छन् ।