१२ जनामा कोरोना, १३ जना डिस्चार्ज
नेपालखोज
२०७९ जेठ १३ गते १६:४६
काठमाडौं । नेपालमा गत चौबीस घण्टामा जम्मा १२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट २ हजार २३८ जनाको पीसीआर विधिबाट परीक्षण गर्दा ८ जनामा संक्रमण पुष्टि भएको छ । यस्तै १ हजार १४९ जनाको एन्टीजेन विधिबाट परीक्षण गर्दा ४ जनामा कोरोना संक्रमण देखिएको छ । नेपालमा हाल १२४ जना सक्रिय संक्रमित छन् ।
त्यस्तै, गत चौबीस घण्टामा थप १३ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६७ हजार ३७ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ८ प्रतिशत छ ।
त्यस्तै, गत चौबीस घण्टामा थप ६६ हजार १८१ जनाले कोरोना भाइरसविरुद्धको खोप लगाएका छन् ।
सम्बन्धित
प्रतिक्रिया