आठ संक्रमित थपिए, १५ जना डिस्चार्ज

काठमाडौं । नेपालमा गत चौबीस घण्टामा जम्मा आठ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ११९ जनाको पीसीआर विधिबाट परीक्षण गर्दा ०५ जनामा संक्रमण पुष्टि भएको छ । यस्तै ८५० जनाको एन्टीजेन विधिबाट परीक्षण गर्दा ०३ जनामा कोरोना संक्रमण पुष्टि भएकाे छ । नेपालमा हाल ११४ जना सक्रिय संक्रमित छन् ।

त्यस्तै, गत चौबीस घण्टामा थप १५ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६७ हजार ५२ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ८ प्रतिशत छ ।