शतक रक्तदाता कर्माचार्यलाई सम्मान

काठमाडौं । शतक रक्तदाता प्रेमसागर कर्माचार्यलाई सम्मान गरिएको छ । आँबुखैरेनी ३, तनहुँमा आज (सोमबार) आयोजित विशेष कार्यक्रममा उनलाई सार्वजनिक अभिनन्दन गरिएको हो ।

नेपाल स्वयंसेवी रक्तदाता समाजका केन्द्रीय अध्यक्षसमेत रहेका स्वयंसेवी शतक रक्तदाता कर्माचार्यले १७०औं पटक रक्तदान गरिसकेका छन् ।

कर्माचार्यलाई आँबुखैरेनी ३ का वडाध्यक्ष दिनेश केसीद्वारा अभिनन्दन-पत्र प्रदान गर्नुका साथै स्थानीय राजाराम मेडिकल हलका सञ्चालक डा. राजाराम श्रेष्ठले दोसल्ला ओढाएर सम्मान गरेका हुन् । उक्त कार्यक्रममा स्थानीय लब्ध-प्रतिष्ठित व्यक्तित्वको उपस्थिति थियो ।