मर्जरको छलफलमा सानिमा जनरल इन्स्योरेन्स !

काठमाडौं । सानिमा जनरल इन्स्योरेन्स कम्पनीको विशेष साधारणसभा भएको छ । कम्पनीले बुधबार सञ्चालक समितिका अध्यक्ष खेमराज लामिछानेको अध्यक्षतामा धुम्रबराह पार्टी प्यालेस धुम्बाराहीमा विशेष साधारणसभा सम्पन्न गरेको हो ।

सभामा कम्पनीले भविष्यमा कुनै निर्जीवन बिमा कम्पनीसँग एक आपसमा गाभ्ने, गाभिने तथा प्राप्ति गर्ने सम्बन्धी निर्णय गर्न तथा तत् सम्बन्धी समझदारी पत्रमा हस्ताक्षर गर्न, चल अचल सम्पत्ति र दायित्व मुल्याङ्कन गर्न मान्यता प्राप्त मुल्याङ्कनकर्ता नियुक्त गर्न, निजको पारिश्रमिक तोक्न लगायतका मर्जर सम्बन्धी सम्पूर्ण अन्य आवश्यक प्रक्रिया पूरा गर्न संचालक समितिलाई अख्तियारी प्रदान गर्ने सम्बन्धी प्रस्ताव सर्वसम्मत रुपमा पारित गरेको छ ।

साथै अध्यक्षले सभामा उपस्थित सम्पूर्ण सेयरधनी तथा कर्मचारीहरुलाई हार्दिक धन्यवाद प्रदान गर्दै सभा समापन गरेका थिए ।