सोमबार, असोज १७, २०७९

भिभो भी-२५ सिरिज स्मार्टफोनको प्रि-बुकिङ खुल्यो

यहीँ सेप्टेम्बर ४ देखि ७ सेप्टेम्बरसम्म भी२५ फाइभजी र भी२५ई को प्रि-बुकिङ खुला, भी-२५ सिरिजका स्मार्टफोनको प्रि-बुकिङमा आकर्षक पुरस्कार ।

नेपालखोज २०७९ भदौ १९ गते १२:०८

काठमाडौं । विश्वव्यापी अग्रणी स्मार्टफोन ब्रान्ड भिभोले आफ्नो नयाँ भी२५ सिरिजका स्मार्टफोनहरू-भी२५ फाइभजी र भी-२५ई को प्रि-बुकिङ खुला गरेको छ । ग्राहकले सेप्टेम्बर ४ देखि ७ सम्म (भदौ १९ देखि भदौ २२ गतेसम्म) भी-२५ सिरिजका स्मार्टफोनको प्रि-बुकिङ गरी भी-२५ फाइभजीको प्रि-बुकिङमा आकर्षक उपहार भिभो नेकब्यान्ड र भी२५ई को प्रि-बुकिङमा एंकर यूआई नेकब्यान्ड पाउँन सक्नेछन् । भी सिरिज उत्कृष्ट डिजाइन, शक्तिशाली प्रदर्शन र अपग्रेडेड विशेषताहरूको साथ आउँछ । बहुप्रतिक्षित भी२५ सिरिज चाँडै नेपाली प्रयोगकर्ताहरूका लागि उपलब्ध हुनेछ ।

भी२५ र भी२५ई दुवैमा रङ परिवतन हुने ग्लास प्रविधि छ जसले गर्दा स्मार्टफोन प्रत्यक्ष सूर्यको प्रकाशमा पर्दा रङ परिवर्तन हुन्छ । यसका साथै, दुवै स्मार्टफोनमा फ्लोराइट एजी ग्लास प्रयोग गरिएको छ जसले फोनलाई अझ बढि आकर्षक बनाउँछ । भी-२५ सिरिज हल्का तौल र स्टाइलिस डिजाइनमा उपलब्ध हुनेछ ।

भी२५ शृंखला, भिभोको भी शृंखलाको नयाँ स्मार्टफोन हो जसले उत्कृष्ट क्यामेरा क्षमताहरू प्रदान गर्दछ र प्रयोगकर्ताहरूलाई स्पष्ट र स्थिर तस्बिरहरू खिच्न मद्दत गर्दछ । भी २५ फाइभजी र भी२५ई दुवैमा ६४एमपी ओआईएस (अप्टिकल इमेज स्टेबलाइजेसन) अल्ट्रा सेन्सिङ रियर क्यामेरा छ जसले कम ब्राइटनेस र हल्लिएको ब्लर फोटाहरूलाई स्पष्ट बनाउँछ । त्यस्तै भी२५ फाइभजीमा ५०एमपी अटो फोकस पोट्र्रेट फ्रन्ट क्यामेरा रहेको छ जसले उत्कृष्ट सेल्फी अनुभव प्रदान गर्दछ । साथै, भी२५ई मा ३२एमपी फ्रन्ट क्यामेरा रहेको छ जसले प्रयोगकर्ताहरूलाई फोटोग्राफी अनुभव पुनः परिभाषित गर्न उत्कृष्ट-इन-क्लास इमेजिङ प्रविधि प्रदान गर्दछ ।

भी२५ सिरिजको दुवै स्मार्टफोनहरूमा शक्तिशाली प्रोसेसरहरू छन्, भी२५ फाइभजीमा मिडियाटेक डाइमेन्सिटी ९०० प्रोसेसर प्रयोग गरिएको छ भने भी२५ई मा मिडिया टेक हेलियो जी९९ प्रोसेसर प्रयोग गरिएको छ । भी२५ सिरिजका दुवै स्मार्टफोनमा शक्तिशाली ४५०० एमएएच ब्याट्री रहेको छ जसलाई ४४वाट फ्ल्यासचार्जले समर्थन गर्दछ । यसका साथै स्मुद अनुभवका लागि भी२५ सिरिजमा ८जीबी र्याम र १२८ जीबी रोम रहेको छ जसमा ८जीबीको एक्सटेन्डेड र्याम पनि रहेको छ ।

भिभो नेपालका प्रमुख कार्यकारी अधिकृत माइकलले भने, ‘भिभोले फोटोग्राफी केन्द्रित ब्रान्डको रूपमा आफूलाई स्थापित गर्दै आएको छ । भी२५ सिरिजले आफ्ना प्रयोगकर्ताहरूलाई अत्याधुनिक क्यामेरा र इमेजिङ प्रविधि प्रदान गर्दछ । दुवै स्मार्टफोनहरू , भी२५ फाइभजी र भी२५ई ले सेग्मेन्टकै उत्कृष्ट विशेषताहरू र चौतर्फी अनुभव प्रदान गर्दछ जसका लागि फ्यानहरूले भी सिरिजलाई व्यापक रूपमा मन पराएका छन् । भी२५ शृङ्खलामा हामीले अत्याधिक रुचाइएको कलर चेन्जिङ ग्लास डिजाइन ल्याएका छौं । धेरै प्रशंसा र मायाको साथ, भी२५ सिरिज अब नेपालभर प्रि-बुकिङको लागि खुला गरेका छौं । भिभो फ्यानहरूले यसलाई पनि धेरै मन पराउनु हुनेछ भन्ने हामी आशावादी छौं ।’

नयाँ स्मार्टफोन खोजिरहेको सबैका लागि, भी२५ फाइभजी दुईवटा कलर भेरियन्ट -अक्वामेरिन ब्लु र डायमण्ड ब्ल्याकमा उपलब्ध हुनेछ र यसको मूल्य रु ५२,९९९ रहेको छ । भिभो भी२५ई को मूल्य ४२,९९९ रुपैयाँ छ र यो दुई कलर भेरियन्ट-सनराइज गोल्ड र डायमण्ड ब्ल्याकमा उपलब्ध हुनेछ । भी२५ सिरिज ४ सेप्टेम्बरदेखि ७ सेप्टेम्बरसम्म प्रि-बुकिङका लागि खुला गरिएको छ ।

प्रतिक्रिया