जीवन सहज बनाउने श्रीकृष्ण वाणी !

आधुनिक जीवनमा सफलताको अर्थ पैसा र सुविधाका चीजहरूसँग सम्बन्धित छ । जति धेरै पैसा कमाउछौ, उति नै सफल भएको दुनियाँले बताउँछ । अन्धाधुन्ध पैसा कमाउने दौडमा, भौतिक संसारको सुख कमाएर पनि आफूले कति धेरै पाप गरे भनी कसैले सोच्दैन ।

श्रीमद्भागवत गीतामा भगवान कृष्णले धेरै नीतिहरू बताएका छन् । श्रीमद्भागवत गीतामा उल्लेख गरिएको एउटा श्लोक अनुसार जसले यी ४ सहज काम गर्छ, उसलाई अवश्य स्वर्ग प्राप्त हुन्छ । यस्तो व्यक्तिले जानाजानी वा अनजानमा गरेको पाप क्षमा हुन्छ र उसले नरकमा जानु पर्दैन । आउनुहोस् ती कामहरूको बारेमा जानौं ।

दान

दान गर्नु भनेको खाँचोमा परेकालाई त्यो चिज सित्तैमा उपलब्ध गराउनु हो, जुन उसले पाउन सक्दैन । दान गर्नु अघि वा पछि दानको बारेमा कसैलाई नभन्नुहोस् । दान सधैं गोप्य राख्नुपर्छ ।

आत्म संयम

धेरै पटक यस्तो हुन्छ कि हाम्रो मन र दिमाग दुबै विपरीत दिशामा जान्छ र हामी गलत काम गछौं । गीतामा दिएको ज्ञान अनुसार मनलाई नियन्त्रण गर्नाले व्यक्तिबाट कुनै पनि पाप नहुने सम्भावना रहन्छ ।

सत्य बोल्नु

कलियुगमा सत्य र असत्य छुट्याउन गाह्रो भएको छ । कसैको कुरा सुनेर मात्रै भन्न सकिदैन कि ऊ झुटो हो कि सत्य हो । यदि तपाईंले विगतमा कुनै गलत काम गर्नुभएको छ भने, तपाईंले आफ्नो जीवनमा सधैं सत्य बोलेर आफ्नो पापको प्रायश्चित गर्न सक्नुहुन्छ ।

ध्यान वा जप

आधुनिक युगमा दैनिक ध्यान गर्ने मानिस थोरै छन् । आराधना भगवानलाई खुसी पार्न होइन तर आफूलाई चिन्नका लागि गरिन्छ । आत्म (ध्यानद्वारा, हामी आत्म)सँग साक्षात्कार गर्न सक्छौं । सफा मनले नियमित नामजप वा ध्यान गर्नाले आफूबाट भएका गल्तीहरू हटाउन सकिन्छ ।