सुनचाँदीको मूल्य घट्यो
नेपालखोज
२०७९ असोज ९ गते १०:४८
काठमाडौं । नेपाली बजारमा आज (आइतबार) सुनचाँदीको भाउ घटेको छ । छापावाल सुन प्रतितोला १ हजार रुपैयाँले घटेको छ । छापावाल सुन आइतबार ९१ हजार ८ सय रुपैयाँ कायम भएको छ । शुक्रबार छापावाल सुन प्रतितोला ९२ हजार ८ सय रुपैयाँमा कारोबार भएको थियो ।
त्यस्तै, तेजाबी सुनको भाउ पनि एक हजार रुपैयाँ नै घटेको छ । तेजाबी सुन आज प्रतितोला ९१ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । शुक्रबार प्रतितोला ९२ हजार ३ सय रुपैयाँमा कारोबार भएको थियो ।
त्यसैगरी, आज चाँदीको मूल्य ३० रुपैयाँले घटेको छ । चाँदी आज प्रतितोला ११ हजार ७० रुपैयाँमा कारोबार भइरहेको महासंघले जनाएको छ । शुक्रबार चाँदी प्रतितोला १२ हजार रुपैयाँमा कारोबार भएको महासंघले जनाएको छ ।
सम्बन्धित
प्रतिक्रिया