केबलकारको प्यानलमा ठुलो क्षति, अर्को सूचान जारी नभएसम्म सेवा स्थगन रहने

काठमाडाैं । गोरखास्थित मनकामना केबलकारको सेवा अवरुद्ध भएको छ । विद्युत आपूर्तिमा भएको समस्याका कारण केबलकारको प्यानलमा ठुलो क्षति पुग्न गएको कम्पनीले जनाएको छ । कम्पनीका अनुसार विद्युत् आपूर्तिमा भएको समस्याका कारण केबलकारको प्यानलमा क्षति पुगेको हो ।

अर्को सूचान जारी नभएसम्म केबलकार सेवा स्थगन रहने कम्पनीले जानकारी गराएको छ । कम्पनीले मर्मत गरेर यथा सक्दो चाँडो सेवा सुचारू गर्ने जनाएको छ ।