गण्डकी प्रदेशसभा : कांग्रेस संसदीय दलको नेतामा पाण्डे

काठमाडाैं । गण्डकी प्रदेशसभामा नेपाली कांग्रेसको संसदीय दलको नेतामा सुरेन्द्र पाण्डे विजयी बनेका छन् ।

संसदीय दलको नेताका लागि आज भएको निर्वाचनमा पाण्डेले १८ मत ल्याएर बिजयी बनेका हुन् । उनका प्रतिस्पर्धी भोजराज अर्यालले आठ मत प्राप्त गर्नुभएको छ । निर्वाचनमा एक मत बदर भएको थियो । साठी सदस्यीय गण्डकी प्रदेशसभामा कांग्रेसमा २७ सांसदसहित सबैभन्दा ठूलो दल हो ।