नेपाल टी २० लिगमा फार वेस्ट पराजित

काठमाडौं । नेपाल टी २० लिगमा जनकपुर रोयल्सले अर्को जित निकालेको छ । टियु मैदानमा सोमबार भएको खेलमा जनकपुरले फार वेस्टलाई ८२ रनले हराएको हो ।

जनकपुरले दिएको १ सय ६२ रनको लक्ष्य पछ्याएको फार वेस्टले ओभरमा अलआउट हुँदै रन मात्र बनाउन सफल भयो ।
त्यसअघि टस हारेर पहिले ब्याटिङ गरेको जनकपुर रोयल्सले २० ओभरमा ७ विकेट गुमाएर १ सय ६१ रन बनाएको थियो ।
फार वेस्टका लागि कप्तान हजमतुल्लाह शाहिदीले ३२ तथा राशिद खानले अविजित १७ रन बनाए ।

जनकपुरका लागि समिउल्लाह शिनवारीले ३ तथा सोमपाल कामी र पवन सराफले २/२ विकेट लिए । जनकपुरका लागि सन्दिप जोराले ३२ बलमा ५५ रनको अर्धशतकीय ईनिङ खेले । उनले १ चौका र ५ छक्का प्रहार गरे । कप्तान ट्राभोन ग्रिफिथले ३२ रन बनाउँदा चाल्डिक वाल्टन २४ रनमा आउट भए । सरफुदिन असरफले २० रन बनाउँदा राजेश पुलामीले १६ रन बनाए ।

फार वेस्टका लागि प्रकाश जैसीले ३ तथा भुवन कार्कीले २ विकेट लिए । सात खेलमा पाँच जित र दुई हार सहित जनकपुर १० अंकका साथ अंक तालिकाको दोस्रो स्थानमा रहेको छ ।

छ खेलमा एक जित हात पारेको फार वेस्ट २ अंकका साथ अंक तालिकाको पुछारमा रहेको छ । यही संस्करणको पहिलो भेटमा फार वेस्ट जनकपुरसँग पराजित भएको थियो ।

यस प्रतियोगिताको फाईनल खेल २७ गते हुनेछ ।