क्रिकेटर ऋषभ पंन्तको उपचार मुम्बईमा हुने

काठमाडौं । सडक दुर्घटनामा परी घाइते भएका क्रिकेटर ऋषभ पंन्तलाई उपचारका लागि मुम्बई लगिने भएको छ । समाचार एजेन्सी एएनआईले डीडीसीए निर्देशक श्याम शर्मालाई उद्धृत गर्दै ऋषभ पन्तलाई आज मुम्बई लगिने बताएको हो ।

ऋषभ पन्तको कार रुड़की नजिक ३० डिसेम्बरमा दुर्घटनामा परेको थियो । त्यसपछि उनलाई उपचारका लागि देहरादुनको निजी अस्पतालमा भर्ना गरिएको थियो । यसअघि बीसीसीआई सचिव जय शाहले ऋषभ पन्तलाई सबै आवश्यक सहयोग उपलब्ध गराइनेू बताएका थिए ।

पन्तको स्वास्थ्यमा सुधार आएपछि उनलाई आईसीयूबाट निजी सुइटमा सारिएको शर्माले जानकारी दिएका थिए ।

टीम इण्डियाका प्रशिक्षक राहुल द्रविड, ट्वान्टी-ट्वान्टी कप्तान हार्दिक पाण्ड्या र उपकप्तान सूर्य कुमार यादव लगायत टीम इन्डियाका धेरै खेलाडीले भिडियोमार्फत ऋषभलाई शुभकामना दिएका छन् र उनको शीघ्र स्वास्थ्यलाभको कामना गरेका छन्। बीबीसी हिन्दी