ओलाले लन्च गर्दैछ इलेक्ट्रिक बाइक र कार ?

काठमाडाैं । दुई पाङ्ग्रे इलेक्ट्रिक सवारी उत्पादक कम्पनी ओला इलेक्ट्रिकले आगामी दिनमा आफ्ना केही विशेष उत्पादन लन्च गर्ने भएको छ । सन् २०२३ मा कम्पनीले नयाँ इलेक्ट्रिक स्कुटर तथा मोटरसाइकल लन्च गर्नेछ । कम्पनीका प्रमुख कार्यकारी अधिकृत भाविश अग्रवालले सन् २०२७ सम्ममा कम्पनीका विभिन्न ६ वटा उत्पादन बजारमा आउने जानकारि समेत दिएका छन ।

भारतको विद्युतीय दुई पाङ्ग्रे सवारी उत्पादक कम्पनी ओला इलेक्ट्रिकका लागि सन् २०२२ निकै राम्रो रह्यो । यो वर्ष कम्पनीले धेरै ठूला उपलब्धिहरु हासिल गर्यो । यो वर्ष कम्पनीले आफ्नो Ola S1 Air इलेक्ट्रिक स्कुटर तथा MoveOS 2 लन्च गरेको थियो। यस क्रममा कम्पनीले लगभग १.५ लाख इलेक्ट्रिक स्कुटर बेचेको छ ।

एउटा ब्लग पोस्टमा ओला इलेक्ट्रिकका सीईओले भनेका छन्-वर्ष २०२३ मा कम्पनीले इलेक्ट्रिक स्कुटरहरूको सिरिज नै लन्च गर्ने विचार गरिरहेको छ। ओलाले नयाँ वर्षमा मास मार्केट स्कुटर, मास मार्केट मोटरसाइकल तथा प्रिमियम इलेक्ट्रिक मोटरसाइकल ल्याउने योजना बनाएको उनले बताएका छन । यसमा खेलकुद, क्रूजर, साहसिक सडक बाइकहरू पनि समावेश छन् । अग्रवालले भनेका छन, ‘सन् २०२३ र २०२४ मा कम्पनीले धेरै टु व्हिलर इभी बजारमा ल्याउन लागेको छ । टु व्हिलर निर्माणको यो बलियो स्केलले हामीलाई इभी प्रविधि र सफ्टवेयर, इलेक्ट्रोनिक्स र ब्याट्रीहरूमा बलियो प्रतिस्पर्धात्मक लाभ दिनेछ । उक्त ब्लग पोस्टमा अग्रवालले कम्पनीले आफ्नो इलेक्ट्रिक कारको लन्चका सम्बन्धमा पनि जानकारि दिएका छन ।

कम्पनीका संस्थापकले ओला इलेक्ट्रिकको पहिलो इलेक्ट्रिक कार सन् २०२४ मा लन्च गर्ने र आगामी पाँच वर्ष अर्थात २०२७ सम्ममा बजारमा विभिन्न ६ किसिमका उत्पादन बजारमा पठाइने बताएका छन । यसबाहेक अग्रवालले कम्पनीले २०२३ को अन्त्य सम्ममा 5GWh क्षमताको सेल उत्पादन प्लान्ट सुरु गर्ने कुरा पनि जानकारि दिएका छन ।

अग्रवालले सन् २०२२ को मध्यमा ओला इलेक्ट्रिक गाडीको बिक्रीमा कमी आएको बताए भने कम्पनीले आफ्नो S1 Pro स्कुटरको किफायती भेरियन्ट लन्च गरेर तथा विभिन्न क्षेत्रमा सर्भिस सेन्टरहरू खोलेर एउटा धार हासिल गरेको दाबि गरेका छन। उनले सन् २०२२ विद्युतीय भेइकलको क्षेत्रमा क्रान्तिका रुपमा सदैव स्मरणीय रहने पनि बताएका छन ।