मध्य प्रदेशको रेवामा विमान मन्दिरसँग ठोक्कियो, पाइलटको मृत्यु

काठमाडौं । मध्य प्रदेशको रेवामा भएको विमान दुर्घटनामा पाइलटको मृत्यु भएको छ भने अर्का पाइलट घाइते भएका छन् । समाचार एजेन्सी एएनआईले रेवा प्रहरीलाई उद्धृत गर्दै घटना शुक्रबार बिहान भएको जनाएको छ।

यो विमान मन्दिरबाट खसेको हो । रेवाका एसपी नवनीत भासिनले दुर्घटना भएको विमान निजी कम्पनीको रहेको र यो तालिमको विमान भएको बताए ।

चोरहाटा विमानस्थलबाट उडेको विमान रेवाको डुमरी गाउँमा रहेको मन्दिरको माथिल्लो भागमा ठोक्किएको थियो ।

घाइते पाइलटको सञ्जय गान्धी मेडिकल कलेजमा उपचार भइरहेको एसपी नवनीत भासिनले बताए । खराब मौसम र कुहिरोका कारण दुर्घटना भएको अनुमान गरिएको छ । विस्तृत जानकारीको प्रतीक्षा छ। -बीबीसी हिन्दी