नेपालखोज दिनभरी : खबर सारांश
प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच भेटवार्ता, मन्त्रिपरिषद् विस्तारलगायत समसामयिक विषयमा छलफल ।
राष्ट्रिय प्रजातन्त्र पार्टीको आयोजनामा ३०१औँ पृथ्वी जयन्ती तथा राष्ट्रिय एकता दिवसका सन्दर्भमा भृकुटीमण्डपमा जलपान कार्यक्रम सम्पन्न ।
सुदूरपश्चिम प्रदेशको मुख्यमन्त्रीमा नेकपा (एमाले)का प्रदेश संसदीय दलका नेता राजेन्द्रसिंह रावल नियुक्त, २९ जना सदस्यको समर्थन ।
कर्णाली प्रदेश सरकारको मुख्यमन्त्रीमा नेकपा (माओवादी केन्द्र) प्रदेश संसदीय दलका नेता राजकुमार शर्मा मुख्यमन्त्रीमा नियुक्त ।
नेकपा एमाले संसदीय दलका नेता लिला गिरी लुम्बिनी प्रदेशको मुख्यमन्त्रीमा नियुक्त, ५८ जना प्रदेश सभा सदस्य समर्थन ।
प्रदेश नं १ का मुख्यमन्त्री हिक्मतकुमार कार्कीले आउँदो शुक्रबार विश्वासको मत लिने, समय उपलव्ध गराउन अनुरोध ।
मधेश प्रदेश संसदीय दलका नेता सरोजकुमार यादव मुख्यमन्त्रीमा नियुक्त, बहुमत सांसदको समर्थन ।
नेपालको आर्थिक वृद्धिदर आर्थिक वर्ष सन् २०२२/०२३ मा पाँच दशमलव एक र २०२३/०२४ मा चार दशमलव नौ प्रतिशत रहने प्रक्षेपण सार्वजनिक ।
नेपाल टी-२० लिगको उपाधि लुम्बिनी अल स्टार्सलाई, लो स्कोरिङ खेलमा विराटनगर सुपर किंग्सलाई २४ रनले पराजित गर्दै लुम्बिनी विजयी ।
प्रतिक्रिया