पोखरा विमान दुर्घटनामा ४ जनाको शव भेट्न बाँकी

काठमाडौं । पोखरामा आइतबार भएको विमान दुर्घटनामा हालसम्म ६८ जनाको शव भेटिएको छ भने ४ जनाको शव भेट्न बाँकी छ । ४ जनाको खोजी कार्य भइरहेको जिल्ला प्रशासन कार्यालय कास्कीले जनाएको छ ।

४ जना चालक दलका सदस्यसहित विमानमा सवार ७२ जनामध्ये हालसम्म भेटिएका सबै ६८ जना मृत घोषणा भइसकेका छन्। उक्त विमानमा दुई वर्षभन्दा मुनिका तीनसहित ६ जना बालबालिका रहेका थिए ।