रेनोको नयाँ अपडेट

फ्रान्सेली अटोमेकर कम्पनी रेनोले आफ्नो कारको नयाँ लाइनअप अपडेट गरेको छ । यसअन्तर्गत कम्पनीले आफ्ना क्विड, ट्राइबर तथा किंगर कारलाई नयाँ रुपमा प्रस्तुत गर्ने भएको छ । यी तीनवटै मोडलका इन्जिन मात्र परिवर्तन हुने छैनन्, मानक सुरक्षा सुविधाहरू पनि बढाइने छन । यी अपडेटहरू बाहेक, कम्पनीले क्विडको नयाँ संस्करण पनि प्रस्तुत गर्नेछ । रेनोले आफ्ना डिलरहरूलाई अद्यावधिक गरिएका क्विड, ट्राइबर र किंगरका लागि बुकिङ मात्र खोलेको छैन । तिनको मूल्य पनि अद्यावधिक गरेको छ ।

इन्जिनमा के–कस्तो परिवर्तन छ ? : तीनवटै मोडलमा एउटै पेट्रोल इन्जिन दिइएको छ । यद्यपि, अब तिनलाई रियल ड्राइभिङ उत्सर्जन नर्म्स (आरडीई) अनुसार अपग्रेड गरिनेछ । यस अन्तर्गत यी कारमा सेल्फ डायग्नोस्टिक उपकरण जडान गरिनेछ जसले सवारी चलाउँदा गाडीको उत्सर्जन स्तरलाई निरन्तर निगरानी गर्नेछ । यस बाहेक कारमा अन्य उत्सर्जन उपकरण जस्तै उत्प्रेरक कन्भर्टर तथा अक्सिजन सेन्सर जडान गरिएको छ ।

रेनोको ट्राइबरमा ७२ एचपी १.०–लिटर, तीन सिलिन्डर पेट्रोल इन्जिन छ, जुन ५ स्पीड म्यानुअल र एएमटी गियरबक्सका साथ उपलब्ध हुनेछ । त्यसैगरी, किंगरले प्राकृतिक रूपमा एस्पिरेटेड इन्जिन पाउँनेछ जुन फाईभ स्पीड म्यानुअलसँग उपलब्ध हुनेछ । किंगरले १०० एचपि , १.० लिटर टर्बो पेट्रोल इन्जिन तथा फाईभ स्पीड म्यानुअल वा सिभिटि ट्रान्समिसन पाउनेछ । रेनोले आफ्नो लाइनअपबाट ८०० सीसी इन्जिनलाई पूर्ण रूपमा हटाएको छ ।

रेनोको सबैभन्दा सस्तो मोडल रेनो क्विडको मूल्य भारतिय बजारमा ४.७० लाख भारु रहने छ, जुन पहिलेको जस्तै हो । अहिले यसको मूल्य ४.७० लाख भारतिय रुपैयाँबाट सुरु हुन्छ । यो मूल्य १.० लिटर पेट्रोल–म्यानुअल भेरियन्टको हो । यो भेरियन्टले अब क्विडको प्रविष्टि–स्तरको संस्करणका रूपमा कार्य गर्दछ । त्यस्तै रेनो किंगर सब–कम्प्याक्ट एसयूभीको मूल्य ६.५ लाख भारुबाट सुरु भएर ११ लाख भारुसम्म पुग्नेछ । जबकि रेनो ट्राइबरको मूल्य ६ . ३४ लाख भारुबाट सुरु भएर ८ . ७५ लाख भारुसम्म जानेछ ।