३७ प्रतिशत मत खस्यो शंकरदेव क्याम्पसमा

काठमाडौं । स्ववियु निर्वाचन भएको शंकरदेव क्याम्पसका जम्मा ३७ प्रतिशत मत खसेको छ । ८ हजार ४८८ मतदाता विद्यार्थी मध्ये जम्मा तीन हजार १७७ मत मात्रै खसेको छ ।

२१ सदस्यीय स्ववियु समितिको लागि भएको निर्वाचनमा अध्यक्ष पदको लागि ११ उम्मेदवार सहित प्रत्यक्ष तर्फबाट ५२ जना उम्मेदवार रहेका छन् ।

प्रत्यक्ष निर्वाचन प्रणालीबाट एक जना अध्यक्ष, एक जना सचिव, एकजना कोषाध्यक्ष र ८ जना सदस्इहरु निर्वाचित हुनेछन् भने समानुपातिक निर्वाचन प्रणालीबाट १० जना उम्मेदवार निर्वाचित हुनेछन् ।