दक्षिण भारतका केही प्रशिद्ध मन्दिर

काठमाडाैं । धेरै नेपालीहरु दक्षिण भारतको यात्रा गरिरहेका हुन्छन् तर कतिपय लाई त्यहाँका मन्दिरहरुको प्रयाप्त जानकारि नहुन सक्छ । आउनुहोस दक्षिण भारतको यात्रामा जाँदा पुग्नुपर्ने केही मन्दिरको जानकारि लिउँ ।

मिनाक्षी मन्दिर

चाडपर्वको समयमा धार्मिक तीर्थयात्राको लागि मिनाक्षी मन्दिर जान सकिन्छ । यो मन्दिर तमिलनाडुको मदुराई शहरमा अवस्थित छ । मन्दिरमा भगवान महादेव र पार्वतीको मूर्ति स्थापना गरिएको छ । माता पार्वतीलाई मीनाक्षी देवी भनिन्छ ।

एकाम्बरेश्वर मन्दिर

यो मन्दिर दक्षिण भारतको तमिलनाडु राज्यको कांचीपुरममा अवस्थित छ । यो मन्दिर भगवान शिवप्रति समर्पित छ । कांचीपुरममा ूमूमूर्तिवासमू पनि छ । यो मन्दिर परिसरमा एउटा धेरै पुरानो आँपको रूख छ । यसको प्रत्येक हाँगामा विभिन्न रंगका आँप फल्छन् भने फलको स्वाद पनि फरक–फरक हुन्छ । चाडपर्वमा देव दर्शनका लागि एकम्बरेश्वर मन्दिर अवश्य जानुपर्छ ।

श्री गोविंदराजस्वामी मन्दिर

देव दर्शनका लागि श्री गोविन्दराजस्वामी मन्दिर पुग्न सकिन्छ । यो मन्दिर आन्ध्र प्रदेशको चित्तूर जिल्लाको तिरुमल पर्वतमा अवस्थित छ । यो मन्दिर वैष्णव धर्मका संस्थापक श्री रामानुजले स्थापना गरेका थिए । यो मन्दिर १७ औं शताब्दीमा बनेको थियो । श्री गोविन्दराज स्वामी मन्दिरमा देवताको दर्शन गर्न ठूलो संख्यामा भक्तजन पुग्छन् ।

विरुपाक्ष मन्दिर

तपाईं देव दर्शनको लागि हम्पी नजिकैको विरूपाक्ष मन्दिर पनि जान सक्नुहुन्छ। यो मन्दिर पवित्र तुङ्गभद्रा नदीको किनारमा अवस्थित छ। विरुपाक्ष मन्दिर भगवान शिवलाई समर्पित छ। यो मन्दिरमा देवताका देवता महादेवको बास छ । त्यस्तै मन्दिरको गोपुरम ५० मिटर अग्लो छ ।

मुरुदेश्वर मन्दिर

मुरुडेश्वर मन्दिर कर्नाटकको कन्नड जिल्लामा छ । भगवान शिवलाई स्थानीय भाषामा मुरुडेश्वर भनिन्छ । यो मन्दिरमा भगवान शिवको दोस्रो अग्लो मूर्ति छ। यो मन्दिर मंगलुरुबाट १ सय ६५ किलोमिटर टाढा छ । देवताका देवता महादेवको दर्शन र आशीर्वाद लिन मुरुडेश्वर मन्दिर जान सकिन्छ।