११ जना सगरमाथा आरोहीको मृत्यु

काठमाडौं । यस वर्ष सगरमाथा आरोहणका क्रममा ११ जनाको मृत्यु भएको छ ।

आजसम्म ११ जनाको शव उद्धार भइसकेको र दुई जना हराइरहेका पर्यटन विभागका निर्देशक एवम् पर्वतारोहण शाखा प्रमुख युवराज खतिवडाले जानकारी दिए ।

यस वर्षको वसन्त ऋतुमा साढे चार सय जनाभन्दा धेरैले सगरमाथा आरोहण गरिसकेका छन् । पर्यटन विभागका निर्देशक युवराज खतिवडाका अनुसार वसन्त ऋतुमा सगरमाथा आरोहणका लागि अनुमति लिएका मध्ये लगभग ४५५ जनाले सगरमाथा चुमिसकेका छन् ।

यस सिजनमा ४७८ जनाले अनुमति लिएका छन् । तर आरोहीहरुले कम्तीमा एक जना आरोहण सहयोगी लैजाने भएकाले आरोहण गर्न जानेको संख्या अनुमति लिनेको संख्या भन्दा दोब्बरले धेरै हुने पर्यटन विभागले जनाएको छ ।

यस सिजनको आरोहण वैशाख ३० गतेबाट सुरु भएको हो ।