कामीरिताले चढे २८ औँ पटक सगरमाथा

काठमाडौं । विश्व कीर्तिमानी सगरमाथा आरोही कामीरिता शेर्पा २८ औँ पटक सगरमाथाको सफल आरोहण गरेका छन् ।

सोलुखुम्बु पाङबोचेका पासाङ दावा शेर्पाले २७ औं पटक सगरमाथा चढेर आफ्नो कीर्तिमानसँग बराबरी गरेपछि कामीरिताले चालु सिजनमा दुई पटक आरोहण गर्दै २८ औं पटक सगरमाथा चढ्ने आरोहीको किर्तिमानी सुरक्षित राखेका छन् ।

कामीरिता २८औँ आरोहणका लागि सोमबार सगरमाथा तर्फ लागेका थिए । मंगलबार विहान सगरमाथाको शिखर चुम्न सफल भएको आधार शिविरबाट पासाङ निमा शेर्पाले जानकारी दिए ।

उनले पहिलो पटक २०५१ मा सगरमाथाको सफल आरोहण गरेका थिए ।