पाकिस्तानसँग नेपाल २३८ रनले पराजित

काठमाडौं । एसिया कप क्रिकेटअन्तर्गत पाकिस्तानसँगको खेलमा नेपाल २३८ रनले पराजित भएको छ । ३४३ रनको लक्ष्य पछ्याएको नेपाल २३.४ ओभरमा एक सय ४ रनमा अलआउट भएको हो ।

मुल्तानस्थित मुल्तान क्रिकेट रंगशालमा पाकिस्तानले प्रस्तुत गरेको ३४३ रनको लक्ष्य पछ्याएको नेपाल २३.४ ओभरमा १०४ रनमै समेटियो ।

पहिलो पटक एसिया कप खेलिरहेको नेपाल भारत र पाकिस्तानसँगै समूह ‘ए’ मा छ । नेपालले अब भदौ १८ गते हुने भारतविरुद्धको खेलका लागि श्रीलंकाको यात्रा गर्ने छ ।