गर्मीमा उखुको रसबाट स्वास्थ्यलाई हुने अनेक फाइदा

गर्मी महिनामा उखुको जुस स्वादको लागि मात्रै नभएर शारीरिक स्वास्थ्यलागि पनि पिउने गरिन्छ । विशेषगरी नेपालको तराई भेगमा यस्तो जुस धेरै खाने गरिन्छ । यसले एनिमिया, जण्डिस जस्ता रोगलाई निको पार्न सहयोगी भूमिका खेल्छ । अम्लपित्त रोगका लागि उखुको जुस धेरै फाइदाजनक मान्ने गरिन्छ । उखुमा मिनेरल, भिटामिन र एन्टिअक्सिडेन्ट अधिक मात्रामा पाउने गरिन्छ ।

जाडो मौसम सकिएर गर्मी मौसम सुरु भएपछि मान्छेमा रुघाखोकी ज्वरो जस्ता समस्या देखिन सक्छ । गर्मीमा हुने ज्वरो जस्ता समस्याहरु निको पार्नको लागि उखुको जुस प्रभावकारी हुने चिकित्सकहरू बताउँछन् । पौष्टिकताको हिसाबले एक गिलास उखुको जुसमा कमसेकम १८० क्यालोरी शक्ति मिल्ने गर्छ । यसमा थोरै कागती र नुन पनि मिसाएर पिउन सकिन्छ ।

छालाको सुरक्षाः उखुको रसमा अल्फा हाइड्रोक्सी एसिड हुन्छ, जसले गर्दा छालामा एन्टिअक्सिडेन्टले पूर्ण प्रभाव पार्छ । उखुको ताजा रस पिउनाले छालामा हुने समस्या वा कडा गर्मीबाट राहत मिल्छ र छालाको एलर्जी हटाउन सकिन्छ।

तनाव कम गर्छ: उखुको रसमा एमिनो एसिड प्रचुर मात्रामा पाइन्छ, जसले तनाव हर्मोनको स्तरलाई सन्तुलनमा राख्ने मात्र होइन, राम्रो र गहिरो निद्रा पनि लगाउँछ । याद गर्नुहोस्, हरेक दिन एक गिलास ताजा उखुको रस पिउनाले अनिद्राबाट ठूलो राहत मिल्छ।

मोटोपनाबाट राहत दिन्छ: उखुको रसमा प्रशस्त मात्रामा फाइबर हुन्छ, जसले तपाईंको शरीरमा अतिरिक्त बोसोलाई बाँध्छ र तपाईंलाई धेरै खानबाट रोक्छ । पोषणविद्का अनुसार उखुको रसले बोसो जलाउँछ ।

पाचन सुधार गर्दछ: उखुको रसमा पाइने फाइबरले पेरिस्टालिसिसलाई प्रोत्साहित गर्छ र ब्लोटिंग कम गर्छ र कब्जियत कम गर्छ ।

कोलेस्ट्रोललाई नियन्त्रण गर्छ : उखुको रसमा भएका सबै अनुसन्धानपछि काँचो उखुको रस नियमित सेवनले कोलेस्ट्रोलको मात्रा घटाउन मद्दत गर्छ । जसका कारण मुटु रोगबाट पनि राहत मिल्छ ।

गर्भावस्थामा राहत दिन्छ: कम ग्लाइसेमिक इन्डेक्सका कारण गर्भावस्थामा उखुको रस पिउनाले गर्भवती महिलाको मेटाबोलिज्म र पाचन प्रक्रिया बढाउन मद्दत गर्छ। यसले शरीरलाई पूर्ण उर्जा पनि प्रदान गर्छ ।

दाँतको इनामेललाई जोगाउँछ: उखुको ताजा रसमा क्याल्सियम र फस्फोरस जस्ता खनिजहरू पाइन्छ, जसले दाँतको इनामेललाई जोगाउँछ र दाँतका कीटाणुहरूलाई कमजोर पारेर दाँतलाई बलियो बनाउँछ ।

हड्डी बलियो बनाउँछ : उखुको रसमा क्याल्सियम, आइरन, पोटासियम, म्याग्नेसियम र म्याङ्गनीज जस्ता महत्वपूर्ण पोषक तत्वहरू पाइन्छ । पोषणविद्हरूका अनुसार ताजा उखुको रसको नियमित सेवनले हड्डी बलियो बनाउँछ र ओस्टियोपोरोसिसको विकासलाई नियन्त्रण गर्छ ।