नेचर भ्यू पार्कमा ‘चंगा चेट’

काठमाडौं । यही असोज २८ गतेदेखि घटस्थापनाको यो वर्षको बडादशैं प्रारम्भ हुँदैछ । दशैं प्रारम्भ हुनुभन्दा एक दिन अगाडि अर्थात असोज २७ गते शनिवार काठमाडौंमा दशैंलाई स्वागत गर्ने शैलीको एउटा रोमाञ्चक कार्यक्रम आयोजना हुँदैछ ।

इभेन्ट बेटर ग्यालेक्सीले यो शनिवार काठमाडौंमा ‘हिमालयन प्रीमियरम लागर बियर चंगा चेट’ कार्यक्रम आयोजना गर्दैछ ।

तारकेश्वर नेचर भ्यू पार्कमा आयोजना हुने यो कार्यक्रममा चंगा चेटसंगै फेसन शो, कन्सर्ट, स्ट्याण्डअप कमेडी, डिजेसेसनसहित फूड स्टल तथा बार स्टलको समेत रमाइलो लिन सकिने छ ।

कार्यक्रममा जेम्स प्रधान, धीरज राई, सपन श्रेष्ठ, सुमन कुमार श्रेष्ठ आदि संगीतकर्मीहरुको प्रस्तुति रहने छ भने उनीहरुसंगै अभिनेत्री सुष्मा अधिकारी, मोडल दीपक घिमिरे, सञ्चारकर्मी सुशिल नेपाल आदिले चंगा चेटसहितका कार्यक्रममा सहभागिता जनाउने छन् । यो कार्यक्रम शनिवार दिउँसो २ बजेदेखि प्रारम्भ हुने आयोजक संस्थाका प्रमुख धीरज तण्डुकारले जानकारी दिएका छन् ।