आईसीसी लिग–२ : नेपालकाे अभ्यास खेल आजदेखि

 काठमाडाैं । आईसीसी क्रिकेट विश्वकप लिग–२ को तयारीका लागि श्रीलङ्का भ्रमणमा रहेकाे नेपाल राष्ट्रिय क्रिकेट टोलीकाे अभ्यास खेलहरू आजदेखि सुरु हुँदै छ ।

नेपाली टोलीले श्रीलङ्का डेभलपमेन्ट स्क्वाडसँग तीनवटा एकदिवसीय अभ्यास खेलहरू खेल्ने छ । नेपाल र श्रीलङ्का डेभलपमेन्टबीचको खेल बिहान सवा १० बजेदेखि सुरु हुनेछ ।

दोस्रो अभ्यास खेल भोलि हुनेछ, भने तेस्रो तथा अन्तिम खेल शुक्रबार खेलाइने छ । यसअघि, दोस्रो खेल बिहीबार र तेस्रो खेल शनिबारमा हुने तय गरिएको थियो ।

तर नेपाल क्रिकेट सङ्घ ९क्यान० ले खेलतालिका परिवर्तन भएको जानकारी गराउँदै सोमबार नयाँ तालिका सार्वजनिक गरेको थियो । श्रीलङ्का भ्रमणपछि, नेपाली टोली आगामी सेप्टेम्बरमा क्यानडामा हुने त्रिदेशीय एकदिवसीय श्रृङ्खलामा सहभागी हुनेछ । यो श्रृङ्खलामा नेपालले घरेलु टोली क्यानडा र ओमानसँग प्रतिस्पर्धा गर्नेछ ।