जबरजस्ती करणी गरेको अभियोगमा पक्राउ

दाङ । ३४ वर्षीया महिलालाई जबरजस्ती करणी गरेको अभियोगमा गढवा गाउँपालिका–१ जुरौनी बस्ने रोल्पा लुङ्ग्री गाउँपालिका–२ घर भएका २३ वर्षीय दिपक बिकलाई मंगलबार दिउँसो प्रहरीले पक्राउ गरेको छ ।

बिकले ती महिलालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय गढवा र अस्थायी प्रहरी पोष्ट कालाकाटेबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

सवारी दुर्घटनामा दुई जनाको मृत्यु

दोलखाको भिमेश्वर नगरपालिका–९ पैरे चौरस्थित सडकमा बा.५ ख ५७३ नम्बरको आइचर गाडी अनियन्त्रित भई दुर्घटना हुँदा सहचालक सोही नगरपालिका–९ बस्ने ४३ वर्षीय बिजय तामाङको मृत्यु भएको छ । सोमबार राति भएको उक्त दुर्घटनामा गम्भीर घाइते भएका उनको च्छो–रोल्पा अस्पताल चरिकोटमा उपचारको क्रममा मंगलबार बिहान मृत्यु भएको हो । गाडी चालकलाई प्रहरीले नियन्त्रणमा लिएको छ ।

कञ्चनपुरको कृष्णपुर नगरपालिका–२ बंक अठन्निफाँटास्थित सडकमा ना.३ ख ८१४६ नम्बरको डाईमण्ड ईङ्लिस बोर्डिङ स्कुलको बसको ठक्करबाट शुक्लाफाँटा नगरपालिका–५ वनसमिती घर भई हाल कृष्णपुर नगरपालिका–२ बंकस्थित मामा घरमा बस्ने जयन्ती कुँवरको छोरा ८ वर्षीय अनमोल कुँवरको मृत्यु भएको छ ।

सोमबार साँझ बसले ठक्कर दिँदा गम्भीर घाइते भएका उनको मायामेट्रो अस्पताल हुँदै भारतको लखनऊस्थित इभिए अस्पतालमा थप उपचारको क्रममा मंगलबार दिउँसो मृत्यु भएको हो । बस चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।