पर्यटन बोर्डले आज नयाँ सिइयो पाउँदै

माघ ६, काठमाण्डौ । नेपाल पर्यटन बोर्डको प्रमुख कार्यकारी अधिकृतका लागि तीनजनाको नाम सिफारिस गरिएको छ । बोर्डको प्रमुख कार्यकारी अधिकृत छनोट समितिले धनन्जय रेग्मी, दीपक बस्ताकोटी र हिक्मत सिंह ऐरको नाम सिफारिस गरेको हो ।

आइतबार बसेको छनोट समितिले उनीहरुको नाम सिफारिस गरेको थियो । आज बस्ने बोर्ड सञ्चालक समितिको बैठकले नयाँ प्रमुख कार्यकारी अधिकृत (सिइयो) छनौट गर्ने बताइएको छ ।

बोर्डको प्रमुख कार्यकारी हुन १९ जनाले आवेदन दिएका थिए । त्यसमध्ये नौजनाको नाम छनोट गरिएको थियो । नौजनामध्ये तीनजनाको नाम बोर्डमा सिफारिस गर्ने प्रचलन अनुसार तीन जनाको नाम सिफारिस गरिएको हो ।