वाइडवडी जहाजले आजदेखि नियमित उडान भर्दै

काठमाडौँ । चीनको वुहानबाट १७५ नेपाली उद्धार गरेपछि क्वारेन्टाइनमा राखिएको नेपाल एयर लाइन्सको जहाजले आज मंगलबारदेखि नियमित उडान भर्ने भएको छ ।

आइतबारदेखि नेपाल एयरलाइन्सको ३३० वाइडवडी जहाज क्वारेन्टाइनमा राखिएको थियो । विश्व स्वास्थ्य संगठनको मापदण्डअनुसार, आज मंगलबार दिउँसोसम्म क्वारेन्टाइनमा राखिएको र रातिबाट नियमित उडान भर्ने तालिका तय भएको छ ।

जहाजले आज राति ९ः५० बजे दोहा उडान गर्ने भएको हो । कोरोनाभाइरसको प्रकोप रहेको वुहानबाट शनिबार राति उक्त जहाज उद्धार गर्न प्रयोग गरिएको थियो ।