बुधबार, असार ६, २०८१

चीनबाट उद्धार गरिएका १७५ जनामा कोरोनाको संक्रमण नभएको पुष्टि

नेपालखोज २०७६ फागुन ७ गते ९:४१

काठमाडौँ । चीनको हुबेइबाट उद्धार गरी ल्याइएका सबै नेपालीमा कोभिड–१९ नाम दिइएको नोवेल कोरोना भाइरसको संक्रमण नरहेको पुष्टि भएको छ ।

भक्तपुरको खरिपाटीमा बनाइएको क्वारेन्टाइन सेन्टरमा रहेका १७५ जनाको नमूना परीक्षणको नतिजा ‘नेगेटिभ’ आएको हो । सबै १७५ जनाको ‘थ्रोट स्वाव’ तथा ‘नेजल स्वाव’ को नमूना संकलन गरिएको थियो ।

सबै नमूनाको परीक्षण मंगलबार बेलुका सकिएको र नतिजा नेगेटिभ अर्थात उनीहरुमा कोभिड–१९ को संक्रमण नरहेको पुष्टि भएको राष्ट्रिय जनस्वास्थ्य प्रयोगशालाले जनाएको छ । यसबारे बुधबार पत्रकार सम्मेलन गरेर विस्तृत जानकारी दिइने प्रयोगशालाले जनाएको छ ।

प्रतिक्रिया