मंगलबार, असार १२, २०८१

सिद्धबाबाद्वारा अदालतमा आत्मसमर्पण !

नेपालखोज २०७६ फागुन २० गते १२:४२

काठमाडौं । अनुयायीमाथि बलात्कारकाे आरोप लागेका कृष्णबहादुर गिरी (सिद्धबाबा)ले जिल्ला अदालत, सुनसरीमा आत्मसमर्पण गरेका छन् ।

उच्च अदालतले ९ माघमा पुर्पक्षका लागि गिरिलाई थुनामा पठाउने आदेश दिएको थियो । साेही, आदेश अनुसार उनलाई कारागार चलान गर्ने तयारी भइरहेको स्राेतले बताएकाे छ ।

अदालतमा मुद्दाको बहस हुँदै गर्दा उनी भारततिर लागेका थिए । आफ्नाे विपक्षमा फैसला आउने सम्भावना रहेकाेले उनी भारततिर भागेकाे हुन् भनेर जानकारहरू बताउछन् ।

यसअघि १६ मंसिरमा जिल्ला अदालत, सुनसरीले उनलाई तीन लाख रुपैयाँ धरौटीमा छाड्न आदेश दिएको दिएको थियो । तर, जिल्लाको आदेशविरुद्ध सरकारी वकिल कार्यालय उच्च अदालत, बिराटनगर पुगेको थियो ।

प्रतिक्रिया