मन्त्री अर्याल चढेको विमान आपतकालीन अवतरण गराइयो
नेपालखोज
२०७६ फागुन २२ गते १०:२२
काठमाडौं । भूमि व्यवस्था, सहकारी तथा गरिबी निवारणमन्त्री पद्मा अर्याल चढेको यती एअरलाइन्सको विमान आपतकालीन अवतरण गराइएको छ ।
विमानमा खराबी आएपछि त्रिभुवन अन्तर्राष्ट्रिय विमानस्थलमा आकस्मिक अवतरण गराइएको विमानस्थल कार्यालले जनाएको छ ।
बिहीबार बिहान साढे ९ बजे काठमाडौंबाट पोखरा जान उडेको विमानमा अचानक प्राविधिक गडबडी आएपछि १० मिनेटमै काठमाडौं फर्काएर अवतरण गराइएको थियो ।
विमानमा सवार सबै सकुशल रहेको यती एअरलाइन्सले जनाएको छ । अहिले विमानको प्राविधिक जाँच भइरहेको छ ।
प्रतिक्रिया