यस्तो रह्यो बैंक तथा वित्तीय संस्थाहरुको दुई महिने निक्षेप संकलन अवस्था
काठमाडौँ । बैंक तथा वित्तीय संस्थाहरुले गत दुई महिनामा ८३ अर्ब रुपैयाँ निक्षेप संकलन गरेका छन्। चैतदेखि वैशाख मसान्तसम्म बैंक तथा वित्तीय संस्थाले सो निक्षेप संकलन गरेका हुन्।
तर ऋण विस्तार भने २२ अर्ब रुपैयाँ मात्र भएको नेपाल राष्ट्र बैंकले जारी गरेको मौद्रिक नीतिको तेस्रो त्रैमासिक समीक्षामा उल्लेख छ।
चैत ११ गतेदेखि भएको लकडाउनका कारण ऋण प्रवाह वृद्धि हुन नसकेको नेपाल राष्ट्र बैंकले जनाएको छ। वैशाखसम्म बैंक तथा वित्तीय संस्थामा ४९ अर्ब २ करोड रुपैयाँ अधिक तरलता छ। यो रकम कर्जायोग्य रकम हो।
त्यस्तै दुई महिनामा वाणिज्य बैंकहरुबीच १ खर्ब ५३ अर्ब २० करोड रुपैयाँ र वित्तीय संस्थाहरुबीच ९वाणिज्य बैंकबाहेक० ८ अर्ब ३ करोड रुपैयाँ अन्तरबैंक कारोबार भएको राष्ट्र बैंकले जनाएको छ।
वाणिज्य बैंकहरुबीचको अन्तरबैंक कारोबार दर गत चैतमा २।१३ प्रतिशत रहेकोमा वैशाख मसान्तसम्म ४।०६ प्रतिशत कायम भएको छ।
चालु आर्थिक वर्षमा नेपाल सरकारले १ खर्ब ९५ अर्ब आन्तरिक ऋण परिचालन गर्ने योजना रहेकोमा २०७७ जेठ ९ गतेसम्म एक खर्ब ४५ अर्ब १४ करोड २० लाख रुपैयाँ मात्र आन्तरिक ऋण परिचालन गरेको छ।
राष्ट्र बैंकका अनुसार गत जेठ ९ गतेसम्म ४५ अर्ब रुपैयाँ बराबरको ट्रेजरी बिल, एक खर्ब बराबरको विकास ऋणपत्र, १३ करोड ५० लाख रुपैयाँ बराबरको नागरिक बचतपत्र र ५० लाख २० हजार बराबरको वैदेशिक रोजगार बचतपत्र जारी गरी ऋण परिचालन गरेको छ।
प्रतिक्रिया