सुविसुको सेवा रिफर गरेमा बोनस पाइने

काठमाडौं । नेपालको एक अग्रणी केबल टेलिभिजन, इन्टरनेट र नेटवर्क सेवाप्रदायक कम्पनी सुबिसु केबलनेट प्रा.लि.ले ‘रिफरमा बोनस’ अफर ल्याएको छ । यसअन्तर्गत सुबिसुका ग्राहकहरुले सुबिसुको इन्टरनेट/टिभी सेवा आफन्त तथा साथीभाईलाइ रिफर गरी आफनो यथावत रहेको सेवामा थप एक महिना निःशुल्क सेवा प्राप्त गर्न सक्नेछन् । इन्टरनेटको बढ्दो माग र विश्वसनीय सेवालाइ पूर्णरुप दिन यो अफर ल्याइएको कम्पनीले जनाएको छ ।

सुबिसु केबलनेटले केबल तथा डिजिटल टिभी सेवा, कन्जुमर इन्टरनेट, इन्टरप्राइज इन्टरनेट, एम.पि.एल.एस भि.पि.एन.ए, वानएथर्नेट, होलसेल आइ.पि ट्रान्जिट, एम.भि.पि, डाटा सेन्टर सोलुसन जस्ता मनोरञ्जनात्मक सेवा तथा बिजनेस सोलुसन नेपालमा प्रदानगर्दै आएको छ ।
त्यस्तै, क्लीयर टिभी, सुबिसु केबलनेटको एक अग्रणी केबल टेलिभिजन हो । यो नेपालको पहिलो डिजिटल केवल टेलिभिजन सेवा हो । जसले एमपेग–४ एसडी तथा एच्डी च्यानल केवलमार्फत् सेटअप बक्स प्रयोग गरी प्रसारण गर्दछ ।