कोरोना संक्रमितको उपचारका लागि देशभर ६ हजार बढी बेड थपियो

काठमाडौं । सरकारले कोरोना संक्रमितको उपचारका लागि तीनै तहमा गरेर कुल ६ हजार २ सय २ बेड थपेको छ ।

स्वास्थ्य मन्त्रालयकाअनुसार केन्द्रमा एक हजार, प्रदेशमा एक हजार ९ सय ५७ र स्थानीय तहमा ३ हजार २ सय ४५ बेड थपिएको हो ।

६ सय ४९ वटा पालिकाहरूमा पाँच वटाको दरले संक्रमितको उपचारका लागि अस्पताल तयार गरिएको बताइएको छ । पछिल्लो समय संक्रमित संख्या बढेपछि सरकारले संक्रमितको उपचारका लागि अस्पतालको व्यवस्थापन गरिरहेको छ ।

आजैमात्र उपत्यकाका दुई अस्पतालसहित वीरगन्जस्थित नेसनल मेडिकल कलेजलाई पनि मन्त्रालयले कोभिड अस्पताल तोकेको छ । काठामाडौंका जनमैत्री र कान्तिपुर अस्पताललाई कोभिड अस्पताल तोकिएको हो ।