मंगलबार, असार १२, २०८१

संसारलाई अहिले बन्दुक भन्दा बढी मास्क चाहिएको छ यसमा लगानी गर्नुस् : प्रधानमन्त्री ओली

नेपालखोज २०७७ असोज १० गते १०:४१

काठमाडौं । प्रधानमन्त्री केपी शर्मा ओलीले विश्वलाई पारमाणविक हतियार भन्दा मास्कको आवश्यकता परेको बताएका छन् । संयुक्त राष्ट्र संघको ७५ औं महासभामा भर्चुअल सम्बोधन गर्दै ओलीले संसारलाई अहिले बन्दुक भन्दा पनि बढी मास्क चाहिएको भन्दै यसमा लगानी गर्नुपर्नेमा जोड दिएका छन् ।

सन् २०१९ मा विश्वको कुल सैनिक खर्च १ दशमलव ९ ट्रिलियन अमेरिकी डलर पुगेको भन्दै यसको सानो अंशले गरिब र अभावमा पिल्सिएका लाखौँ मानिसलाई राहत मिल्ने उनको जोड छ ।

जीवन रक्षाका लागि सामाजिक क्षेत्रमा लगानी चाहिएको भन्दै उनले जीवन विनाशका लागि सैनिक खर्च कम गर्नुपर्नेमा जोड दिए । आणविक सन्धिको पुनरावलोकन सम्मेलन लगायत निशस्त्रीकरण सम्बन्धी प्रक्रियाहरु स्थगन भएको वर्तमान अवस्थामा विश्वलाई सुरक्षित बनाई राख्न सम्बन्धित पक्षहरुले सन्धि अन्तर्गतका दायित्व पुरा गर्नुपर्ने ओलीको धारणा छ ।

अन्तर्राष्ट्रिय परमाणु हतियार निर्मुल दिवसको पूर्वसन्ध्यामा परेको कार्यक्रममा ओलीले हतियारको होडबाजी, बाह्य अन्तरिक्षको सशस्त्रीकरण र साइबर युद्धका कारण मानवमात्रले ठूलो मूल्य चुकाउनुपर्ने भन्दै चिन्ता व्यक्त गरेका छन् ।

प्रतिक्रिया