कोरोना संक्रमित हास्यकलाकार गजुरेलको अवस्था गम्भिर

काठमाडौं । कोरोना संक्रमित हास्यकलाकार मनोज गजुरेलको स्वास्थ्य अवस्था गम्भिर बनेको छ ।

संक्रमण पुष्टि भएपछि उनी होम आइसोलेशन बस्दै आएका थिए । अवस्था गम्भीर भएसँगै बुधबार उनलाई उपचारका लागि बलम्बुस्थित सशस्त्र प्रहरीको अस्पताल भर्ना गरिएको थियो। भने उपचारका लागि उनलाई (बिहीबार) हिजोबाट आईसियूमा सारिएको छ।

उनमा लक्षणसहितको कोरोना पुष्टि भएको थियो । संक्रमण पुष्टि भएपछि उनी होम आइसोलेशनमा बस्दै आएको र बुधबारबाट स्वास्थ्य अवस्था जटिल बनेपछि अस्पताल भर्ना गरिएको हो।

उनलाई कात्तिक १० गते कोरोना भाइरस संक्रमण पुष्टि भएको थियो । गजुरेलले फेसबुकमार्फत आफूमा कोरोना संक्रमण पुष्टि भएको जानकारी दिएका थिए ।