संसद् विघटनविरुद्ध नागरिकको अहिंसात्मक प्रदर्शन

काठमाडौं । प्रतिनिधिसभा विघटनको विरोधमा शनिबार पनि काठमाडौँमा नागरिक समाजले प्रदर्शन गरेको छ । डा. गोविन्द केसीको अगुवाईमा अहिंसात्मक नागरिक प्रदर्शन भएको हो ।

प्रदर्शनका सहभागीहरुले ‘प्रतिनिधिसभा मार्न पाइँदैन, निरंकुश सरकार चाहिँदैन, नागरिक अघि बढ्दै छ, सर्वसत्तावाद ढल्दैछ’ लगायत नारा लेखिएका प्लेकार्ड बोकेका थिए ।

प्रधानमन्त्री केपी शर्मा ओलीले गत पुष ५ गते प्रतिनिधिसभा भंग गरेपछि सडकमा दिनहुँ प्रदर्शन भइरहेका छन् ।