म्यानमारमा सैन्य ‘कू’ को विरोधमा शिक्षक र विद्यार्थी पनि

एजेन्सी । म्यानमारमा सैन्य कू को विरोधमा शुरु भएको नागरिक अवज्ञा आन्दोलनमा शिक्षक र विद्यार्थीहरुले पनि साथ दिएका छन् । यांगुनको डागन विश्वविद्यालयका विद्यार्थीहरुले नेतृ आङ साङ सूकीको पार्टीको रातो रंगको रिबन बेरेर उनको पक्षमा नारा लगाएका छन् ।

शिक्षकहरुले भने आफुहरु नयां पुस्ताको लागि प्रदर्शनमा उत्रिएको बताएका छन् । गत सोमबार सेनाले सत्ता हत्याएपछि सूची र अरु नेताहरु पक्राउ गरेको थियो । सकचीका वकिलले उनलाई घरमै नजरबन्दमा राखिएको जनाएका छन् । सूचीले बिना शर्त आफु, राष्ट्रपति र पक्राउ परेका अरु नेताहरुको रिहाइको माग गरेका छन् ।

पछिल्लो समय मात्र जुन्ता सरकारले नेशनल लिग फर डेमोक्रेसीका अर्का एक जना शीर्ष नेतालाई पक्राउ गरेको छ । शुरुमा कू पछि केही शान्त जस्तो देखिएको म्यानमारमा पछिल्लो समय विस्तारै विरोधहरु भैरहेका छन् । विभिन्न भागहरुमा मानिसहरु सडकमा ओर्लिएर कु को विरोध गरेका छन् ।

नागरिक अवज्ञा आन्दोलनमा सहभागीहरुले प्रजातान्त्रिक जननिर्वाचित सरकार पूनर्वहालीको माग गरेका छन् । गत नोभेम्बरमा सम्पन्न निर्वाचनमा एनएलडीले धांधली गरेर जितेको आरोप लगाउंदै सेनाले सूकीको सरकारलाई हटाएर सत्ता हत्याएको थियो ।