महिला लिगमा चौदण्डीगढीको १० औँ हार, विराटनगर २-१ ले विजयी

काठमाडौं । राष्ट्रिय महिला लिग फुटबलमा विराटनगर महानगरपालिकाले उदयपुरको चौदण्डीगढी नगरपालिकालाई २–१ गोलले हराएको छ ।

विराटनगरको लागि दुवै गोल पार्वती घलेले गरिन् । चौदण्डीगढीकी मनिता तामाङले एक गोल फकाइन् । बराबरीतर्फ गएको खेललाई विराटनगरकी घलेले ८६ मिनेटमा गोल गर्दै विराटनगरको पक्षमा ल्याइन् ।

आजको जितसँगै विराटनगर १३ अंकसहित पाँचौ स्थानमा पुगेको छ । चौदण्डीगढीले १० खेलमा एक अंक पनि जोड्न सकेको छैन ।