महाधिवेशनको मिति सार्ने विषयमा छलफल गर्न कांग्रेस केन्द्रीय समितिको बैठक आज बस्दै

काठमाडौं । नेपाली कांग्रेसको केन्द्रीय कार्यसमितिको बैठक आज (बुधबार) बस्ने भएको छ । १४ औं महाधिवेशनको मिति सार्ने विषयमा छलफल गर्न केन्द्रीय कार्यसमितिको बैठक बोलाइएको हो ।

यही फागुन ७ देखि १० गतेसम्मका लागि आह्वान गरेको १४ औं महाधिवेशन सम्भव नभएपछि नयाँ मिति तय गर्ने सम्बन्धमा छलफल गर्न आज दिउँसो ३ बजे पार्टी केन्द्रीय कार्यालय सानेपामा केन्द्रीय कार्यसमितिको बैठक बस्न लागेको हो ।

कांग्रेस प्रवक्ता विश्वप्रकाश शर्माले केन्द्रीय महाधिवेशनको मिति परिमार्जन गरी नयाँ मिति तय गर्ने सम्बन्धमा छलफल गर्न केन्द्रीय कार्य समितिको बैठक बस्न लागेको जानकारी दिए ।

बैठकमा पार्टीको आन्तरिक जीवन, क्रियाशिल सदस्यता वितरण लगायतको विषयमा भएको प्रगतिको सम्बन्धमा पनि छलफल हुने उनले बताए ।