जनकपुरमा प्रदेश प्रमुख झालाई १ सय १ किलोको मालाले स्वागत

काठमाडौं । प्रदेश २ का प्रदेश प्रमुख राजेश झालाई जनकपुर विमानस्थलमा १ सय १ किलोको मालाले स्वागत गरिएको छ ।

प्रदेश प्रमुखमा नियुक्त भएको तेस्रो दिन अर्थात आइतबार झा प्रदेश २ को अस्थायी राजधानी जनकपुर पुगेका हुन् ।

उनको स्वागतका लागि प्रदेश सरकारबाट भने आन्तरिक मामिला तथा कानुन राज्यमन्त्री सरोजकुमार सिंह विमानस्थल पुगेका थिए भने नेकपा ओली समूहका कार्यकर्ताले मोटरसाइकल ¥यालीसमेत निकालेका थिए ।

मन्त्रिपरिषद्को सिफारिसमा राष्ट्रपति विद्यादेवी भण्डारीले शुक्रबार झालाई प्रदेश प्रमुखमा नियुक्त गरेकी थिइन् । सोही दिन तत्कालीन प्रदेश प्रमुख तिलक परियारलाई पदमुक्त गरेपछि झालाई नियुक्त गरिएको हो ।